De Hard Times newspaper carry a headline that all who thief water will guh to court. Irfaat mek that announcement and everybody tek he serious. But dem have some people who know that Irfaat should be de last person fuh talk bout thiefing.He Ministry know bout thiefing suh till people believe that dem can use he Ministry fuh rob people,Cheap NFL Jerseys. One group already get charge because dem tek people money and pretend that is de Ministry tekking de money. People lose millions of dollars.Dem boys don’t want to carry dem story far and accuse de Minister of thiefing because that is serious trouble but de Minister know bout thiefing. Right now dem boys looking at a story that expose how some people can thief.Is still thiefing if somebody tek other people thing and give it away. And right now dem boys looking real close at de tender fuh de malaria drug. One man can get de drug fuh a certain price but another man claiming how he can get de same drug fuh much more.Well since everybody buying de same drug is only one thing people can conclude. Kok passing and dem boys peeping to see it.This is a thing that bee happening long now and is only this time de story buss out. Even de Minister get involve. Dem boys want to know how he get involve when de matter ain’t concern he. De man who buying de drug should talk.That is why old people always seh that when you throw brick a hog pen de one that holler is de one that get knock. Dem hope de Minister is not de hog that hollering.
