People still laughing. Was de night when black people go about celebrating dem emancipation. Some guh by Cuffy and some go to night sport but all of dem had to go home when dem done enjoy demself.Dem minibus mek a bright raise and is that wha got dem boys laughing. Some bandits tackle one of dem in Sophia. De conductor get away wid de money and lef de driver to de mercy of de bandits.De driver beg. When de bandits find out he didn’t have money dem let he go along he way. Dem boys seh that de man find de conductor one hour later. He ask de conductor wheh de money and de man claim how he drop de money and run. Dem boys laughing till now.But wheh laugh deh cry deh. All newspaper report how a pastor get kill, how some men tackle he in he yard and chase he from one house to another before dem stab he up. Was multiple stabbing.De next day dem boys find out that de pastor was a jailbird. He did kill he first wife by strangling she and dumping de body in a dumpster. He get fifteen years in jail and when that done he get deported. He come home bout ten years now.Now dem boys believe that somebody kill he because he kill de woman—a vendetta killing. Well dem boys seh that if people can wait 25 years fuh vengeance, dem is people who got to be real bad people. As far as dem concern, de fifteen years in jail was nutten.And of course,Cheap NFL Jerseys, some people vex. Rain fall like when Noah build he ark and all who plan fuh go to de National Park had to park home.One lady who mek a special dress cry because she claim how she coulda do something else wid de same money. She husband mouth buss. He tell she that she can wear it next year, and she swing.Dem boys had to bail water from de rum shop and that dem didn’t mind doing.Talk half. Lef half.
