Everybody trying wid Education. Even dem bank trying fuh get people to learn to read because dem know that once people illiterate is trouble. All of dem who rob dem banks can’t read.De first set of people graduate yesterday and is only time before de next set graduate. But is one thing to have dunce people,Cheap NFL Jerseys China, is another to have bright people.Dem boys right now watching a man who should be wearing iron suit wid a number. He too smart to wear casual clothes or even de drill clothes that prisoners does wear. This man got a look that dem boys don’t trust. Dem seh that he look like a crook and that he actions are no different from he looks.Well a man like that shoulda been in jail ever since. From de time people see him dem know he is a crook.He is not de only one. Dem have one who like eat but since story buss out bout corruption and crookishness,Wholesale Football Jerseys, this man like he disappear. He too big to hide but yet he hide. And nuff people like dem hiding wid he.De people upstairs GPO hiding to produce birth certificates by night. Normally de office does close at four o’clock but somebody carry in a whole heap of dead people records and ask fuh birth certificates. De mill wukking full time. People got to get register.When dem boys call de GPO de other day none of de big ones want talk. Dem clerk put people pun hold till de people get fed up and hang up.But dem boys want to know if de people gun register wid de wrang name and then change back to dem real name by deed poll. But dem will have a problem getting passport unless dem gun use de same bogus name.Talk half. Le half.
